- Lyrics
- Album list
- Singer Intro
張清芳
-
心影
Lyricist:姚謙 Composer:曹俊鴻
每一日每一日過著一般無變化 同一個時間清醒 無理由傷心 眠床頂的枕頭 有一粒冷冰冰 出門看著街啊路滿滿的車 青紅燈頭前忽然間末記哩欲畏叨行 感覺生活親像一齣無聊的電影 聽到電台塊放送悲傷的愛情歌 笑笑安慰自己無這款煩惱 只有孤單 只有孤單孃孃
愛情是我心內的影 春夏秋冬伴我四界看 紡見的幸福 嘸知欲飛去叨位 思念的滋味 無講你嘛嘸知影
每一暗每一暗猶原孤單無變化 電話彼邊的朋友 講她為著愛情傷心肝 我只有惦惦啊聽 目睭看畏窗外 滿街啊路的霓虹燈閃啊閃 閃啊閃 親像愛情天光了後就攏紡見無形影 洗面洗了嘸敢看面頭前的鏡 尚驚看出我目睭內的孤單 看出我嘸甘願的心晟 因為答錄機擱留著你的聲 輕輕講出再會吧 再會吧
愛情是我心內的影 日時暗時隊我四界行 有時末記哩甲已的孤單 有時想著你心就微微啊疼 有時想著你心就微微啊疼
------------------------------------------
10971/《心影》Sim Iánn 張清芳Tiunn Tshing-hong
↓↓(口白)---(口白)---(口白)↓↓ 每一日每一日 muí tsi̍t-ji̍t muí tsi̍t-ji̍t 過著一般無變化 kuè tio̍h it-puann bô piàn-huà 仝一个時間清醒 kāng tsi̍t-ê sî-kan tshing-tshínn 無理由傷心 bô lí-iû siong-sim 眠床頂的枕頭 bîn-tshn̂g-tíng ê tsím-thâu 有一粒冷冰冰 ū tsi̍t-lia̍p líng-ping-ping 出門看著街仔路 tshut-mn̂g khuànn-tio̍h ke-á-lōo 滿滿的車 muá-muá ê tshia 青紅燈頭前 tshinn-âng-ting thâu-tsîng 忽然間 hut-jiân-kan 袂記得欲對佗行 buē-kì-tit beh uì toh kiânn 感覺生活親像 kám-kak sing-ua̍h tshin-tshiūnn 一齣無聊的電影 tsi̍t-tshut bô-liâu ê tiān-iánn 聽著電臺 thiann-tio̍h tiān-tâi 咧放送 teh hòng-sàng 悲傷的愛情歌 pi-siong ê ài-tsîng kua 笑笑安慰家己 tshiò-tshiò an-uì ka-kī 無這款煩惱 bô tsit khuán huân-ló 只有孤單 tsí-ū koo-tuann 只有孤單爾爾 tsí-ū koo-tuann niā-niā ↑↑(口白)---(口白)---(口白)↑↑
愛情是我心內的影 ài-tsîng sī guá sim-lāi ê iánn 春夏秋冬 tshun-hā tshiu-tang 伴我四界看 phuānn guá sì-kuè khuànn 拍毋見的幸福 phàng-kìnn ê hīng-hok 毋知欲飛去佗位 m̄-tsai beh pue khì tó-uī 思念的滋味 su-liām ê tsu-bī 無講你嘛毋知影 bô kóng lí mā m̄ tsai-iánn
↓↓(口白)---(口白)---(口白)↓↓ 每一暗每一暗 muí tsi̍t-àm muí tsi̍t-àm 猶原孤單無變化 Find more lyrics at ※ Mojim.com iu-guân koo-tuann bô-piàn-huà 電話彼爿的朋友 tiān-uē hit-pîng ê pîng-iú 講伊為著愛情 kóng i uī-tio̍h ài-tsîng 傷心肝 siong sim-kuann 我只有恬恬仔聽 guá tsí-ū tiām-tiām-á thiann 目睭看對窗外 ba̍k-tsiu khuànn uì thang-guā 滿街仔路的霓虹燈 muá ke-á-lōo ê nê-hông-ting 爍啊爍閃啊閃 sih--ah sih siám--ah siám 親像愛情 tshin-tshiūnn ài-tsîng 天光了後 thinn kng liáu-āu 就攏拍毋見無形影 tiō lóng phàng-kìnn bô hîng-iánn 洗面洗了 sé-bīn sé liáu 毋敢看面頭前的鏡 m̄-kánn khuànn bīn-thâu-tsîng ê kiànn 上驚看出 siōng kiann khuànn-tshut 我目睭內的孤單 guá ba̍k-tsiu lāi ê koo-tuann 看出我 khuànn-tshut guá 毋甘願的心情 m̄ kam-guān ê sim-tsiânn 因為答錄機 in-uī tap-lo̍k-ki 閣留著你的聲 koh lâu tio̍h lí ê siann 輕輕講出 khin-khin kóng-tshut 再會吧再會吧 tsài-huē--pah tsài-huē--pah ↑↑(口白)---(口白)---(口白)↑↑
愛情是我心內的影 ài-tsîng sī guá sim-lāi ê iánn 日時暗時綴我四界行 ji̍t--sî àm-sî tuè guá sì-kuè kiânn 有時袂記得 ū-sî buē-kì-tit 家己的孤單 ka-kī ê koo-tuann 有時想著你 ū-sî siūnn-tio̍h lí 心就微微仔疼 sim tiō bî-bî-á thiànn 有時想著你 ū-sî siūnn-tio̍h lí 心就微微仔疼 sim tiō bî-bî-á thiànn
↓↓(口白)---(口白)---(口白)↓↓ 愛情是我心內的影 ài-tsîng sī guá sim-lāi ê iánn 春夏秋冬 tshun-hā tshiu-tang 伴我四界看 phuānn guá sì-kuè khuànn 拍毋見的幸福 phàng-kìnn ê hīng-hok 毋知欲飛去佗位 m̄-tsai beh pue khì tó-uī 思念的滋味 su-liām ê tsu-bī 無講你嘛毋知影 bô kóng lí mā m̄ tsai-iánn
愛情是我心內的影 ài-tsîng sī guá sim-lāi ê iánn 日時暗時綴我四界行 ji̍t--sî àm-sî tuè guá sì-kuè kiânn 有時袂記得 ū-sî buē-kì-tit 家己的孤單 ka-kī ê koo-tuann 有時想著你 ū-sî siūnn-tio̍h lí 心就微微仔疼 sim tiō bî-bî-á thiànn ↑↑(口白)---(口白)---(口白)↑↑
有時想著你 ū-sî siūnn-tio̍h lí 心就微微仔疼 sim tiō bî-bî-á thiànn
- Special thanks to W.B. Chen for correcting the lyric.
- Related Links: W.B. Chen
|